ഇടവഴിയിൽ പതിയിരിക്കുന്ന,
ഇമ്പമോടാർത്തട്ടഹസിക്കുന്ന,
വെറുതെ ഒരു രസിത്തിനെന്ന്
പറയുന്നകണ്ണുകൾ ?
ആരോ അടർത്തി എടുത്തുകളഞ്ഞ കാഴ്ച്ച,
എന്നായിരുന്നു എന്നെനിക്കോർക്കാൻ കഴിയുന്നില്ല.
എന്നായിരുന്നു എന്നോർക്കാൻ കഴിയുന്നില്ലെങ്കിലും,
അതിന്റെ നീറുന്ന ഓർമ്മകളുണ്ടെന്റെ നെഞ്ചിൽ
ആ കാഴ്ച്ചകാണാൻ അവൻ കഴുകന്റെ
മൂർച്ചയുള്ള ചുണ്ടുമായ്,
മറഞ്ഞിരിക്കുന്നു ശൌച്യാലയത്തിൽ പോലും
കൊത്തിവലിച്ച് രസിക്കുന്ന കാഴ്ച്ചകൾ.!
ഇത്തിരിക്കച്ച വഴുതി വീഴുകിലാവിടവിലേയ്ക്ക്
ചൂഴ്ന്നിറങ്ങുന്ന ക്യാമറക്കണ്ണുകൾ.,
കൌമാരചിന്തകൾ പെണ്ണിന്റെ
ചന്തത്തിലോ, നഗ്നമാം മേനിക്കൊഴുപ്പിലോ അഭിരമിപ്പു.
പാതിവഴിയിലുപേക്ഷിച്ച്, ഫോണിൽ, ക്യാമറയിൽ
സ്നേഹം പതിപ്പിച്ച് പടിയിറങ്ങുന്ന കൌമാരം,
പ്രണയമാണിതെന്ന് ധരിക്കുന്നു നമ്മുടെ കുഞ്ഞുങ്ങൾ
പെരുവഴിലെ ഓടയിലൊടുങ്ങുന്നൊടുക്കം ഒരു ഞരക്കമായ് ജീവിതം.
പിന്നെയും വാങ്ങി നൽകിഞാൻ ഒരു മൊബയിൽഫോൺ,
എന്റെ പുന്നാരമോൾക്കുല്ലസിക്കാൻ.
ചുറ്റിനും കണ്ണുകൾ ചിതറിക്കിടക്കുന്നു,
അതിനിടയിൽ ചെറുതുംവലുതുമായ് ചിന്തകൾ ?
April 15, 2010
Subscribe to:
Posts (Atom)